Tignan mo, sa taas, doon sa kalangitan
It’s not a bird, not a plane, hindi rin si Superman
Iyan ang mapanakop na agila ng Amerika
Ng Imperyalistang pahirap sa malawak na masa
Sa paghina ng Imperyalistang kapangyarihan
Kaniyang pinagkakakitaan, pandaigdigang digmaan
Mula Palestina, Venezuela at ngayon ay sa Iran
Kung hindi tayo lalaban, madadamay ang ating bayan
Kaya ngayong araw, nahinog na ang pasya
Ng apat na kababayang makikipagdigma
Ngayong araw na ito, samahan niyo ako
Tanungin natin sila, ano ang kanilang gusto?
Ako ay kabataan, nawawalan ng pag-asa
Na may lipunan pang sa amin ipapamana
Kami’y pinag-aaral hindi para sa bayan
kundi sa dayuhan at pasista’y manilbihan
Ang nagbibigay pag-asa sa aming kabataan
Ay matagalang Digmang Bayan!
Pinapalayas sa tirahan, kaming maralita
Sa taas presyo’y pagkakasyahin kakarampot na kita
pinagkakitaan ng kurakot sinisisi pa sa baha
Pero sa panganib ng krisis, kami ang nauuna
Tanging nagbibigay lakas upang lumaban
Ang matagalang Digmang Bayan!
Ako ay magsasaka, pinagnanakawan ng lupa
Biktima ng sabwatan ng asendero’t dayuhan
Kaming nagpapakain, wala nang kakainin
Sa pagpanaw namin, Amerikano ang salarin
Ang magwawakas lamang sa aming kagutuman
Ang matagalang Digmang Bayan!
Ako ay manggagawa, pang kabayo ang trabaho
Aliping sahuran ng kompanyang Amerikano
Ang aming mga unyonista, kinukulong, pinapaslang
Ng estado’t negosyanteng ganid sa ‘ming pinaghirapan
Kaya aming tatanganan ang misyon na pamunuan
Ang matagalang Digmang Bayan!
Ngayon alam na natin ang makatarungang dahilan
Ng paglaban sa reaksyunaryo ng Bagong Hukbong Bayan
Hamon sa ating lahat na palakasin ang suporta
Sa hukbong magpapalaya sa malawak na masa
Kaya itong agilang dayo sa ating teritoryo
Kasabwat ng asendero, kurakot at berdugo
Silang dumadagit sa yaman ng mamamayan
Tiyak paluluhurin ng proletaryadong himagsikan
Sa gabay ng Partido, sa bigwas ng Hukbo
Sa Pambansang Nagkakaisang Prenteng buo
Itaas ang kamao, kalabitin ang gatilyo
Asintahin:
imperyalismo, pyudalismo at burukrata-kapitalismo
Gaano man kalaki ang bagwis nitong agila
Mananaig ang gobyernong bayan,
sinag ng pulang umaga
Suportahan, lahukan ang pakikibaka ng mamamayan
Ating pagpugayan
Ang matagalang Digmang Bayan!
